Voss Veksel- og Landmandsbank ASA vert eigar i Brage Finans AS og inngår samarbeid på leasing

Voss Veksel- og Landmandsbank ASA vert eigar i Brage Finans AS og vil i tillegg inngå ein distribusjonsavtale for leasingprodukta retta mot bedriftsmarknaden. Brage Finans AS er landet sin tredje største aktør innan leasing og har sidan oppstarten i 2010 hatt ein imponerande vekst. Brage Finans er eigd av ei rekkje bankar i Noreg.

«Voss Veksel- og Landmandsbank ASA skal vera relevant både for privatmarknaden og bedriftsmarknaden, og skal levere heilskapleg økonomisk rådgjevnad i banken sitt primærmarknadsområde. Med investeringa i Brage Finans får banken tilgang til gode produkt, og det vil setje oss i stand til å satse ytterlegare på bedriftsmarknaden i vårt marknadsområde», seier Stig Gunnar Røthe administrerande banksjef i Voss Veksel- og Landmandsbank ASA.

Eigarskapen i Brage Finans er godkjend av Finanstilsynet.

Kontaktperson: Adm. banksjef Stig Gunnar Røthe, tlf. 56 52 35 63